Madridning «Real» klubi mulkdorlik tuzilmasini keskin o‘zgartirish imkoniyatini ko‘rib chiqmoqda. Bu o‘zgarish ilk bor tashqi investorlarga klub aksiyalarining bir qismini sotib olish imkonini berishi mumkin, deb xabar berdi The Athletic.

1902 yilda asos solinganidan beri «qaymoqranglilar»ning barcha aksiyalari klub a’zolari — «sosyos»larga tegishli bo‘lgan.

Manbalarga ko‘ra, klubda amalda ikki alohida tuzilmaga bo‘lish g‘oyasi muhokama qilingan — futbol va tijorat yo‘nalishlari. Tijorat qismi chiptalar sotuvi va teletranslyasiya huquqlaridan olinadigan daromadlar kabi masalalarni boshqaradi. Shu holda, aynan shu tijorat bo‘limi tashqi investorlarga sotilishi mumkin.

Shu bilan birga, sport qismi — ya’ni jamoaning futbol faoliyati — avvalgidek «sosyos»lar nazoratida qoladi.

Shuningdek, manba ta’kidlashicha, klubning hozirgi rahbariyati shunday tizim yaratishni xohlayaptiki, unga ko‘ra murabbiyni tayinlash yoki ishdan bo‘shatish, futbolchilarni sotib olish va sotish kabi muhim qarorlar faqat «sosyos»lar nazoratidagi boshqaruv kengashi tomonidan qabul qilinishi lozim.