Dortmundning "Borussiya" klubi markaziy himoyachisi Niko Shlotterbek "Bavariya"ga o‘tishi mumkin.
Myunxen grandi allaqachon Germaniya terma jamoasining 25 yoshli futbolchisi haqida ma’lumot olgan. Jurnalist Florian Plettenbergning ma’lum qilishicha, "Bavariya" agar Shlotterbek "asalarilar" bilan shartnomani uzaytirmasa, uning uchun kurashishga tayyor. Futbolchining amaldagi kelishuvi 2027 yilning yarmigacha mo‘ljallangan.
"Borussiya"da esa optimistik kayfiyat: dortmundliklar bosslari jamoa yetakchisini yangi shartnoma tuzishga ko‘ndira olishiga ishonmoqda. Shlotterbek rozilik bildirsa, klubning eng ko‘p maosh oluvchi futbolchilaridan biriga aylanadi.
