Дортмунднинг "Боруссия" клуби марказий ҳимоячиси Нико Шлоттербек "Бавария"га ўтиши мумкин.
Мюнхен гранди аллақачон Германия терма жамоасининг 25 ёшли футболчиси ҳақида маълумот олган. Журналист Флориан Плеттенбергнинг маълум қилишича, "Бавария" агар Шлоттербек "асаларилар" билан шартномани узайтирмаса, унинг учун курашишга тайёр. Футболчининг амалдаги келишуви 2027 йилнинг ярмигача мўлжалланган.
"Боруссия"да эса оптимистик кайфият: дортмундликлар босслари жамоа етакчисини янги шартнома тузишга кўндира олишига ишонмоқда. Шлоттербек розилик билдирса, клубнинг энг кўп маош олувчи футболчиларидан бирига айланади.
