Matbuotda Xans-Diter Flik "Barselona"ning Chempionlar ligasi doirasidagi "PSJ"ga qarshi o‘yiniga Lamin Yamalni asosiy tarkibdan chetlatmoqchi bo‘lgani, biroq rahbariyatning aralashuvidan keyin buni qilmagani haqida ma’lumotlar paydo bo‘ldi. Juma kuni bo‘lib o‘tgan matbuot anjumanida Flik bu voqeaga munosabat bildirdi.
"Bu ma’lumotni qayerdan olganingizni so‘ramoqchiman. Fikrim uchun uzr so‘rayman, lekin bu mutlaqo bema’nilik", - dedi Flik jurnalistlarga.
"Barselona" ayni damda La Liga doirasidagi "Jirona"ga qarshi uy uchrashuviga tayyorgarlik ko‘rmoqda. Xans-Diter Flik jamoasi turnir jadvalida "Real"dan 2 ochko ortda qolib, 2-o‘rinda bormoqda.
