Turkiy davlat tashkilotiga a’zo mamlakatlar yoshlar va sport sohasiga mas’ul vazirlarning 9-yig‘ilishi doirasida O‘zbekiston Respublikasi Sport vaziri Adkham Ikramov hamda Qirg‘iz Respublikasi Vazirlar Mahkamasi huzuridagi Jismoniy madaniyat va sport agentligi direktori Kazybek Moldajiyev o‘rtasiga uchrashuv bo‘lib o‘tdi.
Uchrashuv davomida ikki tomonlama hamkorlik aloqalarini mustahkamlash, sportchilar, murabbiylar va mutaxassislar o‘rtasida tajriba almashinuvini yo‘lga qo‘yish, qo‘shma loyihalar va sport tadbirlarini tashkil etish masalalari muhokama qilindi.
Shuningdek, TDTga a’zo mamalakatlar sport va yoshlar vazirlarining 9-yig‘ilishi doirasida sport sohasida hamkorlikda amalga oshirilishi lozim bo‘lgan ishlar yuzasidan kelishuvlarni amalga oshirish masalalariga ham alohida to‘xtalib o‘tildi.
Kazybek Moldajiyev yig‘ilish va uning doirasida o‘tkazilgan tadbirlardagi yuqori tashkilotchilik uchun minnatdorchilik bildirdi.
Yig‘ilishda o‘zaro hamkorlikning dolzarb yo‘nalishlari bo‘yicha tashabbuslar ilgari surildi.
