"Barselona" o‘z saytida klub "Kamp Nou" stadionidan birlamchi foydalanish uchun lisenziya olgani haqidagi ma’lumotni tasdiqladi. Bunday lisenziya bilan o‘yinlar 25 991 tomoshabin ishtirokida o‘tkazilishi mumkin.

Endi kataloniyaliklar 45 401 tomoshabinni qabul qilish uchun navbatdagi toifadagi lisenziyani qo‘lga kiritish ustida ishlamoqda. Shundan keyingina "Barselona" qadrdon stadioniga qaytadi. Hozircha "ko‘k-anorranglilar" o‘yinlarni «Olimpiya» stadionida o‘tkazishda davom etadi.

"Barselona" La Liga turnir jadvalida "Real"dan 2 ochko ortda qolib, 2-o‘rinda bormoqda. Shanba kuni "ko‘k-anorranglilar" "Jirona"ni qabul qiladi.