"Барселона" ўз сайтида клуб "Камп Ноу" стадионидан бирламчи фойдаланиш учун лицензия олгани ҳақидаги маълумотни тасдиқлади. Бундай лицензия билан ўйинлар 25 991 томошабин иштирокида ўтказилиши мумкин.
Энди каталонияликлар 45 401 томошабинни қабул қилиш учун навбатдаги тоифадаги лицензияни қўлга киритиш устида ишламоқда. Шундан кейингина "Барселона" қадрдон стадионига қайтади. Ҳозирча "кўк-анорранглилар" ўйинларни «Олимпия» стадионида ўтказишда давом этади.
"Барселона" Ла Лига турнир жадвалида "Реал"дан 2 очко ортда қолиб, 2-ўринда бормоқда. Шанба куни "кўк-анорранглилар" "Жирона"ни қабул қилади.
