"Manchester Siti"dan ijaraga olingan "Everton" hujumkor yarim himoyachisi Jek Grilish joriy mavsumda o‘zini ajoyib tarzda ko‘rsatmoqda. Angliyalik futbolchi avvalgi ikki mavsumni yaxshi o‘tkazmagandi, ammo vaziyatning o‘zgarishi uning foydasiga ishlagani aniq - hozirda 30 yoshli futbolchini bemalol Devid Moyes jamoasidagi asosiy figuralardan biri deb atash mumkin.
Jurnalistlar "shaharliklar" ustozi Xosep Gvardioladan Grilishning "irislar" tomonidan sotib olinishini istaysizmi, deb so‘rashdi.
"Uning biz bilan shartnomasi bor. Hozir eng muhimi - uning muvaffaqiyatli o‘yini. Balki "Manchester Siti" uni qaytarishni istab qolar, bilmadim. Hali oldinda ko‘p narsalar bor. Hammasi ko‘plab omillarga bog‘liq, ammo yakuniy qarorni klublar qabul qiladi," - deya ispaniyalik murabbiyning so‘zlarini keltiradi Hayters TV.
Shanba kuni "Manchester Siti" APL doirasida o‘z uyida "Everton"ni qabul qiladi.
Grilish joriy chempionatning yettita o‘yinida bitta gol va to‘rtta golli uzatmani amalga oshirdi.
