"Jirona" bosh murabbiyi Michel jamoasining "Barselona"ga qarshi o‘yinini sarhisob qildi. 9-turdan o‘rin olgan uchrashuv Xans-Diter Flik shogirdlarining 2:1 hisobidagi g‘alabasi bilan yakunlandi.

"Jamoa kurashganidan mamnunman va baxtiyorman. So‘nggi daqiqalarda ularda qanotlardan foydalanishdan boshqa variant yo‘q edi. Bir nechta to‘p uzatishlarga yo‘l qo‘ydik, 2 tasini qaytardik, uchinchisi yo‘q. Bu o‘yin birorta ham ochko to‘play olmaganimizga qaramay, bizga ruh bag‘ishlashi kerak. Kurashdik va xarakter ko‘rsatdik," - deya murabbiyning so‘zlarini keltiradi Marca.

"Ko‘zlangan darajaga erishish uchun hali ham takomillashtirish kerak bo‘lgan narsalar bor, lekin men mamnunman. O‘sishi kerak bo‘lgan futbolchilar bor - Sigankov, Abel Ruis. Unai, Lemar va hokazolar qaytishi kerak. Bu vaziyatdan chiqish uchun bizga vaqt kerak".

"Jirona" hisobida 6 ochko mavjud. Jamoa o‘n to‘qqizinchi o‘rinda bormoqda. "Barselona" hisobida 22 ochko va 1-o‘rin bor, ammo "Real"da (21 ochko) bitta zaxira o‘yini bor.