"Жирона" бош мураббийи Мичел жамоасининг "Барселона"га қарши ўйинини сарҳисоб қилди. 9-турдан ўрин олган учрашув Ханс-Дитер Флик шогирдларининг 2:1 ҳисобидаги ғалабаси билан якунланди.

"Жамоа курашганидан мамнунман ва бахтиёрман. Сўнгги дақиқаларда уларда қанотлардан фойдаланишдан бошқа вариант йўқ эди. Бир нечта тўп узатишларга йўл қўйдик, 2 тасини қайтардик, учинчиси йўқ. Бу ўйин бирорта ҳам очко тўплай олмаганимизга қарамай, бизга руҳ бағишлаши керак. Курашдик ва характер кўрсатдик," - дея мураббийнинг сўзларини келтиради Marca.

"Кўзланган даражага эришиш учун ҳали ҳам такомиллаштириш керак бўлган нарсалар бор, лекин мен мамнунман. Ўсиши керак бўлган футболчилар бор - Циганков, Абель Руис. Унаи, Лемар ва ҳоказолар қайтиши керак. Бу вазиятдан чиқиш учун бизга вақт керак".

"Жирона" ҳисобида 6 очко мавжуд. Жамоа ўн тўққизинчи ўринда бормоқда. "Барселона" ҳисобида 22 очко ва 1-ўрин бор, аммо "Реал"да (21 очко) битта захира ўйини бор.