"Tottenxem" yakshanba kuni o‘z maydonida "Aston Villa"ga 1:2 hisobida mag‘lub bo‘ldi.
Himoyachi Kristian Romero dastlab asosiy tarkibda bo‘lganiga qaramay, londonliklar safida o‘yinni oxirigacha yakunlay olmadi.
"Shporlar" bosh murabbiyi Tomas Frank o‘yindan so‘ng bu borada fikr bildirdi.
"Nega Romero oxirigacha o‘ynamadi? Unda kichik qo‘shimcha jarohat bor edi.
So‘nggi bir necha kun ichida u biroz noqulaylik his qilmoqda. Biz u yaxshi bo‘ladi deb o‘ylagandik, ammo bunday emasligi ma’lum bo‘ldi.
Bu jiddiy narsa emas deb o‘ylayman", - dedi Frank.
