"Xetafe" bosh murabbiyi Xose Bordalas "Real"ga qarshi o‘yinda Allan Nyomning chetlatilishiga izoh berdi.
37 yoshli futbolchi zaxiradan maydonga tushganidan bir daqiqa o‘tib to‘g‘ridan-to‘g‘ri qizil kartochka oldi. Kamerunlik futbolchi Vinisiusning yuziga musht tushirgani qayd etilgan.
"Qaror uchun mas’ul - to‘rtinchi hakam. Aynan u buni chetlatish deb aytdi. Vinisius yuzini changallab, mug‘ambirlik qildi. Bu qizil kartochka emas", - dedi Bordalas Movistar’ga bergan intervyusida.
Oradan 3 daqiqa o‘tib, 80-daqiqada Kilian Mbappe o‘yindagi yagona golni urdi. Ko‘p o‘tmay, "Xetafe" to‘qqiz kishi bo‘lib qoldi - Aleks Sankris ikkinchi sariq kartochka sabab maydondan chetlatildi.
