"Хетафе" бош мураббийи Хосе Бордалас "Реал"га қарши ўйинда Аллан Ньомнинг четлатилишига изоҳ берди.
37 ёшли футболчи захирадан майдонга тушганидан бир дақиқа ўтиб тўғридан-тўғри қизил карточка олди. Камерунлик футболчи Винисиуснинг юзига мушт туширгани қайд этилган.
"Қарор учун масъул - тўртинчи ҳакам. Айнан у буни четлатиш деб айтди. Винисиус юзини чангаллаб, муғамбирлик қилди. Бу қизил карточка эмас", - деди Бордалас Movistar’га берган интервьюсида.
Орадан 3 дақиқа ўтиб, 80-дақиқада Килиан Мбаппе ўйиндаги ягона голни урди. Кўп ўтмай, "Хетафе" тўққиз киши бўлиб қолди - Алекс Санкрис иккинчи сариқ карточка сабаб майдондан четлатилди.
