Madridning "Real" klubi hujumchisi Endrik yana maydonga tushmadi. 19 yoshli futbolchi yakshanba kuni La Liga doirasida "Xetafe"ga qarshi kechgan va 1:0 hisobidagi g‘alaba bilan yakunlangan o‘yinda ham zaxirada qoldirildi. Uchrashuv yakunida Xabi Alonso braziliyalik futbolchini zaxiradan maydonga tushirmoqchi edi, ammo yakunda fikridan qaytdi - futbolchiga chigalyozdi mashg‘ulotlarini to‘xtatish haqida ko‘rsatma berildi. Hujumchi hissiyotlarini jilovlay olmadi va jahldan shishani tepib yubordi, deb xabar beradi Carrusel Deportivo. Murabbiy buni ko‘rdi, ammo munosabat bildirmadi.

Endrik bir oydan ko‘proq vaqt oldin jarohatini davolagan bo‘lsa-da, joriy mavsumda hali ham maydonga tushmadi. Mish-mishlarga ko‘ra, "Palmeyras"ning sobiq yulduzi yanvar oyidayoq ijaraga ketishi mumkin.