"Arsenal" bosh murabbiyi Mikel Arteta himoyachi Pyero Inkapyening holatiga izoh berdi. Hozircha ekvadorlik futbolchi "kanonirlar" safida atigi bir marta maydonga tushdi - so‘nggi bir oyni u jarohati tufayli o‘tkazib yubordi.
"Inkapye "Atletiko"ga qarshi o‘yinga tayyor. Unga dam olish kunlari "Fulxem"ga qarshi o‘ynashga hali erta edi," - dedi Arteta matbuot anjumanida.
Futbol bo‘yicha Chempionlar Ligasi umumiy bosqich 3-turidan o‘rin olgan "Arsenal" va "Atletiko" jamoalari 21 oktyabr, seshanba kuni o‘zaro bahs olib boradi. "Emireyts"dagi start hushtagi Toshkent vaqti bilan 23:59'da yangraydi.
Eslatib o‘tamiz, "Arsenal" Chempionlar Ligasi umumiy bosqichining dastlabki ikki turini ochko yo‘qotishlarsiz o‘tkazdi.













