"Арсенал" бош мураббийи Микель Артета ҳимоячи Пьеро Инкапьенинг ҳолатига изоҳ берди. Ҳозирча эквадорлик футболчи "канонирлар" сафида атиги бир марта майдонга тушди - сўнгги бир ойни у жароҳати туфайли ўтказиб юборди.
"Инкапье "Атлетико"га қарши ўйинга тайёр. Унга дам олиш кунлари "Фулхэм"га қарши ўйнашга ҳали эрта эди," - деди Артета матбуот анжуманида.
Футбол бўйича Чемпионлар Лигаси умумий босқич 3-туридан ўрин олган "Арсенал" ва "Атлетико" жамоалари 21 октябрь, сешанба куни ўзаро баҳс олиб боради. "Эмирейтс"даги старт ҳуштаги Тошкент вақти билан 23:59'да янграйди.
Эслатиб ўтамиз, "Арсенал" Чемпионлар Лигаси умумий босқичининг дастлабки икки турини очко йўқотишларсиз ўтказди.
