"PSJ" bosh murabbiyi Luis Enrike Chempionlar ligasining "Bayer"ga qarshi o‘yinidan nimalar kutayotgani haqida gapirdi. Mutaxassis g‘alabaga umid qilmoqda. Luis Enrike Leverkuzen klubining kuchli tomonlarini ham sanab o‘tdi.
"Bizning vazifamiz - imkon qadar tezroq maksimal ball to‘plash. Ertaga bizni turnirdagi dastlabki ikki o‘yindan farq qiladigan uchrashuv kutib turibdi. Bu har ikki jamoa uchun muhim o‘yin va biz g‘alaba qozonish va bunga loyiq bo‘lishga e’tibor qaratamiz. "Bayer" - chuqur himoyalanish va faol pressing qilishni biladigan kuchli jamoa," - dedi Enrike.
"Bayer" - "PSJ" uchrashuvi 21 oktyabr kuni bo‘lib o‘tadi. Uchrashuv Toshkent vaqti bilan soat 00:00 da boshlanadi.
