"ПСЖ" бош мураббийи Луис Энрике Чемпионлар лигасининг "Байер"га қарши ўйинидан нималар кутаётгани ҳақида гапирди. Мутахассис ғалабага умид қилмоқда. Луис Энрике Леверкузен клубининг кучли томонларини ҳам санаб ўтди.
"Бизнинг вазифамиз - имкон қадар тезроқ максимал балл тўплаш. Эртага бизни турнирдаги дастлабки икки ўйиндан фарқ қиладиган учрашув кутиб турибди. Бу ҳар икки жамоа учун муҳим ўйин ва биз ғалаба қозониш ва бунга лойиқ бўлишга эътибор қаратамиз. "Байер" - чуқур ҳимояланиш ва фаол прессинг қилишни биладиган кучли жамоа," - деди Энрике.
"Байер" - "ПСЖ" учрашуви 21 октябрь куни бўлиб ўтади. Учрашув Тошкент вақти билан соат 00:00 да бошланади.
