21-26-oktyabr kunlari Xitoyning Xanchjou shahri shahrida 14 yoshli futbolchilar o‘rtasida «2025 Xanchjou Syanchao Kubogi» xalqaro musobaqasi bo‘lib o‘tadi.

Unda «Paxtakor» U14 jamoasi ham qatnashadi. Shuningdek, turnirda Koreyaning «Chonbuk Xyonde», Fransiyaning «Olimpik Lion» va «Oser», Yaponiyaning «Urava Reds», klublari, shuningdek, Xitoyning U14 milliy jamoasi, «Shanxay Shenxua» va «Chjeszyan» klublari ishtirok etadi. Jami 10 jamoa bellashadi.

Turnir ikki guruhdan iborat bo‘lib, har bir guruhda beshta jamoa ishtirok etadi. Musobaqa formatiga ko‘ra, har bir guruhda jamoalar bir martadan o‘zaro o‘ynaydi (aylanma tizim), shundan so‘ng guruhlarda bir xil o‘rinni egallagan jamoalar o‘zaro pley-off bahslarini o‘tkazadi.

27 oktyabr kuni esa xalqaro yoshlar futbolini rivojlantirishga bag‘ishlangan forum ham bo‘lib o‘tadi. Unda turli mamlakatlardan kelgan jamoalar tajriba almashadi va o‘zaro hamkorlikni muhokama qiladi.