Ispaniya La Ligasi rahbari hisoblangan Xavyer Tebas Ispaniya chempionatining 17-turidan o‘rin olgan "Vilyarreal" - "Barselona" uchrashuvining AQSH hududida o‘tkazilishi bekor qilinganiga izoh berdi.
"Futbolimiz oldinga qadam tashlash imkoniyatidan mahrum bo‘ldi. Biz jahon maydonida o‘zimizni ko‘rsata olardik, bu esa kelajagimizga ijobiy ta’sir ko‘rsatgan bo‘lardi. La Liga Ispaniya futboli uchun astoydil ishlashda davom etadi. Futbolimiz oldinga qo‘rquv hissi bilan emas, ambisiya bilan qarashi kerak. Bundan keyin ham harakat qilamiz. Bu safar ancha yaqin bo‘ldik", - deyiladi rahbarning ijtimoiy tarmoqdagi sahifasida.
Eslatib o‘tamiz, "Vilyarreal" - "Barselona" uchrashuvi dekabr oyining ikkinchi yarmida bo‘lib o‘tadi.
