Испания Ла Лигаси раҳбари ҳисобланган Хавьер Тебас Испания чемпионатининг 17-туридан ўрин олган "Вильярреал" - "Барселона" учрашувининг АҚШ ҳудудида ўтказилиши бекор қилинганига изоҳ берди.
"Футболимиз олдинга қадам ташлаш имкониятидан маҳрум бўлди. Биз жаҳон майдонида ўзимизни кўрсата олардик, бу эса келажагимизга ижобий таъсир кўрсатган бўларди. Ла Лига Испания футболи учун астойдил ишлашда давом этади. Футболимиз олдинга қўрқув ҳисси билан эмас, амбиция билан қараши керак. Бундан кейин ҳам ҳаракат қиламиз. Бу сафар анча яқин бўлдик", - дейилади раҳбарнинг ижтимоий тармоқдаги саҳифасида.
Эслатиб ўтамиз, "Вильярреал" - "Барселона" учрашуви декабрь ойининг иккинчи ярмида бўлиб ўтади.
