Yakshanba kuni Madridning "Real" klubi La Liga doirasida o‘z maydonida "Barselona"ni qabul qiladi. Har ikki jamoa ham Chempionlar Ligasidagi muvaffaqiyatlardan so‘ng "el-klasiko"ga yaxshi kayfiyatda kelishmoqda: seshanba kuni "ko‘k-anorranglilar" "Olimpiakos"ni (6:1) mag‘lub etishdi, bir kun o‘tib esa "qaymoqranglilar" "Yuventus"ni (1:0) mag‘lub etishdi.
"Jamoa, biz o‘z yo‘limizdamiz. Shu zaylda davom etaylik. Endi bizni "klasiko" kutmoqda. Ko‘rishguncha, madridliklar," - deb yozdi "Real"ning yulduz hujumchisi Kilian Mbappe "Yuventus"ga qarshi o‘yin yakunlanganidan ko‘p o‘tmay ijtimoiy tarmoqdagi sahifasida.
Xabi Alonso jamoasi 24 ochko bilan La Liga turnir jadvalida peshqadamlik qilmoqda, "Barsa" 22 ochko bilan 2-o‘rinda bormoqda.
