18 yoshli Estevao Villian Chempionlar ligasi doirasida "Ayaks"ga qarshi o‘yindan so‘ng (5:1) jurnalistlar bilan suhbatlashdi. Braziliyalik futbolchi birinchi bo‘lim oxirida penaltini aniq amalga oshirdi. Bu uning eng nufuzli yevrokubokdagi ilk goli bo‘ldi.
"Chempionlar Ligasidagi debyut golimdan juda xursandman, juda baxtliman. Nimalarni his qilayotganimni so‘z bilan ifodalab berolmayman. Doim shuni orzu qilardim - mana fursat ham yetib keldi. Golni Xudoga va oilamga bag‘ishlayman. Men juda xavotirda edim," - deydi yozda "Palmeyras"dan kelgan vunderkind ESPN’ga bergan intervyusida.
Estevao "Chelsi"ning Chempionlar ligasida gol urgan eng yosh futbolchsiga aylandi.













