"Chelsi" futbolchisi Jeymi Bayno-Gittens o‘z maydonida "Ayaks" ustidan qozonilgan g‘alabadan so‘ng o‘z fikrlarini bildirib o‘tdi.
- Men hali ham bu jamoada o‘rganishga, o‘yin uslubiga ko‘nikishga harakat qilyapman va hammasi yaxshi ketayotganidan mamnunman. Bunday o‘yinchilar bilan birga bo‘lish juda yoqimli, - dedi futbolchi.
- Hozir biz Chempionlar ligasi jadvalida yaxshi o‘rindamiz. Yaxshi o‘ynashda davom etishimiz, ko‘proq gol urishimiz va to‘plar nisbatini oshirishimiz kerak," - deya qo‘shimcha qildi vinger.
Eslatib o‘tamiz, mazkur uchrashuv 22 oktyabr kuni Chempionlar ligasi doirasida bo‘lib o‘tgan va unda "Chelsi" 5:1 hisobida g‘alaba qozongandi.
Iyun oyida "Chelsi" angliyalik yarim himoyachi Bayno-Gittens transferini rasman e’lon qildi. Futbolchi Dortmundning "Borussiya" klubidan o‘tgan va transfer qiymati 56 million yevroni tashkil qilgan.
