"Челси" футболчиси Жейми Байно-Гиттенс ўз майдонида "Аякс" устидан қозонилган ғалабадан сўнг ўз фикрларини билдириб ўтди.
- Мен ҳали ҳам бу жамоада ўрганишга, ўйин услубига кўникишга ҳаракат қиляпман ва ҳаммаси яхши кетаётганидан мамнунман. Бундай ўйинчилар билан бирга бўлиш жуда ёқимли, - деди футболчи.
- Ҳозир биз Чемпионлар лигаси жадвалида яхши ўриндамиз. Яхши ўйнашда давом этишимиз, кўпроқ гол уришимиз ва тўплар нисбатини оширишимиз керак," - дея қўшимча қилди вингер.
Эслатиб ўтамиз, мазкур учрашув 22 октябрь куни Чемпионлар лигаси доирасида бўлиб ўтган ва унда "Челси" 5:1 ҳисобида ғалаба қозонганди.
Июнь ойида "Челси" англиялик ярим ҳимоячи Байно-Гиттенс трансферини расман эълон қилди. Футболчи Дортмунднинг "Боруссия" клубидан ўтган ва трансфер қиймати 56 миллион еврони ташкил қилган.
