"Manchester Siti" bosh murabbiyi Xosep Gvardiola Angliya Premyer-ligasidagi chempionlik poygasi haqida kinoya bilan gapirdi.
"Chempionlik poygasi? Dastlabki ikki-uch o‘yindan keyin bizni allaqachon hisobdan chiqarishgandi, endi esa "Liverpul"ni ham hisobdan chiqarishgan ko‘rinadi. Rostini aytsam, biz qaytamiz. Ekspertlar, tahlilchilar, sobiq futbolchilar har doim besh turdan keyin nima bo‘lishini bilishadi, lekin men bunday qila olmayman. Nima bo‘layotganini tushunish uchun 10-15 tur kerak.
"Liverpul" va "Arsenal" poygada bo‘ladi. Yana kimdir bo‘ladi. Umid qilamanki, biz ham bo‘lamiz," - dedi Gvardiola matbuot anjumanida.
26 oktyabr, yakshanba kuni "Manchester Siti" safarda "Aston Villa"ga qarshi bahs olib boradi.













