Madridning "Real" klubi markaziy hujumchisi Kilian Mbappe "qaymoqranglilar"ning "Barselona"ga qarshi o‘yini haqida fikr bildirdi.

Eslatib o‘tamiz, "El-klasiko" 26 oktyabr kuni Ispaniya chempionatining 10-turi doirasida bo‘lib o‘tadi. "Santyago Bernabeu"da start hushtagi Toshkent vaqti bilan soat 20:15 da yangraydi.

"Klublar miqyosida bu o‘yindan o‘zgacha narsa yo‘q. Uni faqat Chempionlar Ligasidagi katta o‘yinga qiyoslash mumkin. Biz shunchaki o‘ynashni emas, g‘alaba qozonishni istaymiz," - deya Mbappening so‘zlarini keltiradi "Real" matbuot xizmati.