Chempionlik uchun kurash olib borayotgan Vitaliy Levchenko boshqaruvidagi sevimli «Neftchi» Superliganing 26-tur bahsida" Sho‘rtan" klubi mehmoni bo‘ladi.
O‘zaro to‘qnashuvlarga e’tibor qaratsak, milliy chempionatimiz doirasida jamoalar so‘nggi bor 2017 yilda uchrashgan bo‘lib, jami 25 marta maydonda kuch sinashgan. Bulardan 9 tasida «Sho‘rtan»ning qo‘li baland kelgan, 8 ta bahsda murosa ko‘chasi tanlangan va 8 ta bellashuvda «Neftchi» g‘olib bo‘lgan. Umumiy to‘plar nisbati 30-30.
O‘zaro qarama-qarshilikda «Neftchi» jamoasining eng yirik g‘alabasi 2005 yilda Oliy liganing 7-turida qayd etilgan bo‘lib,unda farg‘onaliklar 5:0 hisobida ustun kelishgan. «Sho‘rtan» klubining eng yirik g‘alabasi esa 2011 yilda G‘uzorda qayd etilgan va 4:0 ko‘rinishida bo‘lgan.
G‘uzorda bo‘lib o‘tgan so‘nggi 5 uchrashuv natijalari quyidagicha:
04.03.2017. «Sho‘rtan»-«Neftchi» 1:0
17.09.2016. «Sho‘rtan»-«Neftchi» 2:1
02.08.2015. «Sho‘rtan»-«Neftchi» 4:1
04.07.2013. «Sho‘rtan»-«Neftchi» 0:2
04.09.2012. «Sho‘rtan»-«Neftchi» 2:0
Eslatib o‘tamiz, 25 oktyabr kuni «Sho‘rtan»-«Neftchi» bellashuvida Rustam Lutfullin bosh hakam sifatida faoliyat olib boradi. Uchrashuv 25 oktyabr kuni soat 16:30 da boshlanadi.
