Чемпионлик учун кураш олиб бораётган Виталий Левченко бошқарувидаги севимли «Нефтчи» Суперлиганинг 26-тур баҳсида" Шўртан" клуби меҳмони бўлади.
Ўзаро тўқнашувларга эътибор қаратсак, миллий чемпионатимиз доирасида жамоалар сўнгги бор 2017 йилда учрашган бўлиб, жами 25 марта майдонда куч синашган. Булардан 9 тасида «Шўртан»нинг қўли баланд келган, 8 та баҳсда муроса кўчаси танланган ва 8 та беллашувда «Нефтчи» ғолиб бўлган. Умумий тўплар нисбати 30-30.
Ўзаро қарама-қаршиликда «Нефтчи» жамоасининг энг йирик ғалабаси 2005 йилда Олий лиганинг 7-турида қайд этилган бўлиб,унда фарғоналиклар 5:0 ҳисобида устун келишган. «Шўртан» клубининг энг йирик ғалабаси эса 2011 йилда Ғузорда қайд этилган ва 4:0 кўринишида бўлган.
Ғузорда бўлиб ўтган сўнгги 5 учрашув натижалари қуйидагича:
04.03.2017. «Шўртан»-«Нефтчи» 1:0
17.09.2016. «Шўртан»-«Нефтчи» 2:1
02.08.2015. «Шўртан»-«Нефтчи» 4:1
04.07.2013. «Шўртан»-«Нефтчи» 0:2
04.09.2012. «Шўртан»-«Нефтчи» 2:0
Эслатиб ўтамиз, 25 октябрь куни «Шўртан»-«Нефтчи» беллашувида Рустам Лутфуллин бош ҳакам сифатида фаолият олиб боради. Учрашув 25 октябрь куни соат 16:30 да бошланади.
