"Milan" A Seriya 8-turidan o‘rin olgan juma kungi bahsda o‘z maydonida "Piza"ga yutqazib qo‘yishiga bir baxya qoldi (2:2).
Mehmonlar 86-daqiqada hisobda oldinga chiqib olishdi, ammo "rossonerilar" o‘zlarida kuch topa olishdi va sensasion mag‘lubiyatdan qutulib qolishdi - 93-daqiqada Zakari Atekame tabloda tenglikni o‘rnatdi.
"Durang qayd eta olganimizdan xursandmiz, ammo bugun ko‘plab xatolarga yo‘l qo‘yildi - xulosa chiqarish kerak. Birinchi goldan keyin ikkinchi golni ham urishimiz kerak edi. Buning o‘rniga ixchamlikni yo‘qotdik, maydon markazida uzilishlar paydo bo‘la boshladi. Yana bir muammomiz - o‘yin oxirida o‘zimizni yo‘qotib qo‘ymoqdamiz, bu esa ikkinchi golga sabab bo‘ldi," - dedi Allegri Sky Sport nashriga bergan intervyusida.
