"Milan" yarim himoyachisi Luka Modrich bu safar ham ajoyib o‘yin namoyish etdi, ammo bu safar jamoaning g‘alaba qozonishiga yordam bera olmadi. "Rossonerilar" A Seriyaning 8-turidan o‘rin olgan "Piza"ga qarshi bahsda ochko yo‘qotdi va o‘yin oxiridagina mag‘lubiyatdan qutulib qoldi (2:2). Uchrashuvning eng yaxshi futbolchisi sifatida Modrich e’tirof etildi - aynan uning uzatmasidan so‘ng 93-daqiqada Zakari Atekame gol urdi.
40 yoshli xorvatiyalik futbolchi joriy mavsumda "Milan"ning eng yaxshi o‘yinchisi bo‘lish bo‘yicha yetakchi hisoblanadi. Yulduz faxriy uch marta, Kristian Pulishich ikki marta, Rafael Leau esa bir marta mukofotga sazovor bo‘lgan.
Luka Modrich o‘tgan yozda Madridning "Real" klubidan erkin agent sifatida Italiya grandi safiga qo‘shilgandi.
