"Милан" ярим ҳимоячиси Лука Модрич бу сафар ҳам ажойиб ўйин намойиш этди, аммо бу сафар жамоанинг ғалаба қозонишига ёрдам бера олмади. "Россонерилар" А Сериянинг 8-туридан ўрин олган "Пиза"га қарши баҳсда очко йўқотди ва ўйин охиридагина мағлубиятдан қутулиб қолди (2:2). Учрашувнинг энг яхши футболчиси сифатида Модрич эътироф этилди - айнан унинг узатмасидан сўнг 93-дақиқада Закари Атекаме гол урди.
40 ёшли хорватиялик футболчи жорий мавсумда "Милан"нинг энг яхши ўйинчиси бўлиш бўйича етакчи ҳисобланади. Юлдуз фахрий уч марта, Кристиан Пулишич икки марта, Рафаэль Леау эса бир марта мукофотга сазовор бўлган.
Лука Модрич ўтган ёзда Мадриднинг "Реал" клубидан эркин агент сифатида Италия гранди сафига қўшилганди.
