"Barselona" xavbeki Mark Bernal yakshanba kuni "Santyago Bernabeu"da bo‘lib o‘tadigan "Real"ga qarshi o‘yin haqida gapirdi.
"Jamoa "el klasiko" oldidan o‘zini juda yaxshi his qilmoqda. Biz yaxshi holatdamiz, juda motivasiyalanganmiz va "Real" bilan o‘yinlarda ijobiy seriyani davom ettirmoqchimiz. Biz o‘zimizga ishonamiz va g‘alaba uchun kurashamiz.
"Real" har doim juda kuchli, ammo biz o‘zimizga ishonamiz. Biz mashg‘ulotlarda astoydil ishladik - bizda bir qator muhim o‘yinchilar yo‘qligiga qaramay, o‘z kuchimizni ko‘rsatish uchun hamma narsa bor," - deya Bernalning intervyusidan iqtibos keltiradi Barca Universal.
