Madridning "Atletiko" klubi forvardi Xulian Alvaresning manfaatlarini himoya qiluvchi futbol agenti Fernando Idalgo argentinalik futbolchining "matraschilar" safidagi kelajagi haqida fikr bildirdi.
"Matbuotdagi barcha ma’lumotlar mish-mishdir. Klub Xulianga jamoa natijalariga qo‘shgan hissasi uchun yaxshiroq kelishuv taklif qilishga tayyor. Alvares jamoaning eng muhim o‘yinchilaridan biri, u "matraschilar" loyihasiga sodiq," - deya agentning so‘zlarini keltiradi Calciomercato.
Joriy mavsumda 25 yoshli argentinalik 11 ta o‘yinda qatnashib, 7 ta gol va 3 ta golli uzatmani o‘z hisobiga yozdirib qo‘ydi.
