Bahraynda bo‘lib o‘tayotgan yoshlar o‘rtasidagi Osiyo chempionatida O‘zbekiston futzal jamoasi musobaqadagi o‘zining ikkinchi o‘yinini o‘tkazdi.

Dilshod Rahmatov shogirdlariga bu safar Xitoy raqiblik qildi. Jamoamiz 1-daqiqadayoq Abdulboriy Ilyosovning individual harakati evaziga hisobni ochishga muvaffaq bo‘ldi. Oradan ko‘p o‘tmasdan raqib hisobni tenglashtirdi.

Ikkinchi bo‘lim boshida Xitoy ikkinchi golni urib, oldinga o‘tib oldi. 27-daqiqada esa yana o‘sha jamoamiz sardori Ilyosov hisobni tenglashtirdi.

O‘zbekiston mazkur o‘yinda g‘alaba qozonishi mumkin edi. Ammo to‘p ikki marta raqib darvozasi ustuniga tegib qaytgan bo‘lsa, ikki marta futzalchilarimiz yaqin masofadan aniq zarba bera olishmadi. O‘yin so‘ngida Dilshod Rahmatov darvozabon o‘rniga maydonga beshinchi o‘yinchi tushirdi. Ammo bu taktika ham ish bermadi va durang bilan kifoyalandik.

Jamoamiz 1-turda Afg‘onistonga 2:10 hisobida yutqazgan bo‘lsa, Xitoy Bahraynni 6:0 hisobida mag‘lub etgandi. Demak, jamoamiz keyingi bosqichga chiqishi uchun so‘nggi turda Afg‘onistonni yirik hisobda mag‘lub etib, o‘zimiz Bahraynni yirik hisobda mag‘lub etishimiz shart. 3-tur bahslari ertaga bo‘lib o‘tadi.

Yoshlar o‘rtasida Osiyo o‘yinlari.
Futzal. "A" guruhi, 2-tur
XITOY - O‘ZBEKISTON - 2:2
Gollar: Lyu Xao Yu (4), Chuang Chishi (22) — Abdulboriy Ilyosov (1, 27)