Баҳрайнда бўлиб ўтаётган ёшлар ўртасидаги Осиё чемпионатида Ўзбекистон футзал жамоаси мусобақадаги ўзининг иккинчи ўйинини ўтказди.

Дилшод Раҳматов шогирдларига бу сафар Хитой рақиблик қилди. Жамоамиз 1-дақиқадаёқ Абдулборий Илёсовнинг индивидуал ҳаракати эвазига ҳисобни очишга муваффақ бўлди. Орадан кўп ўтмасдан рақиб ҳисобни тенглаштирди.

Иккинчи бўлим бошида Хитой иккинчи голни уриб, олдинга ўтиб олди. 27-дақиқада эса яна ўша жамоамиз сардори Илёсов ҳисобни тенглаштирди.

Ўзбекистон мазкур ўйинда ғалаба қозониши мумкин эди. Аммо тўп икки марта рақиб дарвозаси устунига тегиб қайтган бўлса, икки марта футзалчиларимиз яқин масофадан аниқ зарба бера олишмади. Ўйин сўнгида Дилшод Раҳматов дарвозабон ўрнига майдонга бешинчи ўйинчи туширди. Аммо бу тактика ҳам иш бермади ва дуранг билан кифояландик.

Жамоамиз 1-турда Афғонистонга 2:10 ҳисобида ютқазган бўлса, Хитой Баҳрайнни 6:0 ҳисобида мағлуб этганди. Демак, жамоамиз кейинги босқичга чиқиши учун сўнгги турда Афғонистонни йирик ҳисобда мағлуб этиб, ўзимиз Баҳрайнни йирик ҳисобда мағлуб этишимиз шарт. 3-тур баҳслари эртага бўлиб ўтади.

Ёшлар ўртасида Осиё ўйинлари.
Футзал. "А" гуруҳи, 2-тур
ХИТОЙ - ЎЗБЕКИСТОН - 2:2
Голлар: Лю Хао Ю (4), Чуанг Чиши (22) — Абдулборий Илёсов (1, 27)