"Brentford" yarimhimoyachisi Jordan Xenderson "Liverpul"ning so‘nggi o‘yinlardagi muammolari haqida qanday fikrda ekanini aytdi. Arne Slot jamoasi barcha turnirlardagi so‘nggi oltita o‘yindan beshtasida mag‘lub bo‘ldi.
"Liverpul"ning maydondagi harakatlariga baho beradigan bo‘lsak, e’tibor qaratadigan narsa yo‘q - ajoyib o‘yinchilar, jamoaning zaif tomonlarini ko‘rmayapman. So‘nggi paytlarda "Liverpul"ning natijalari havas qilarli darajada emasligini bilaman, ammo fikrimcha, ular hali ham juda kuchli. Ertami-kechmi ular ritmga tushadi va muvaffaqiyat qozona boshlaydi - bu vaqt masalasi", - dedi mersisaydliklarning sobiq sardori.
"Liverpul" APL 9-turidan keyin oltinchi, "Brentford" esa o‘ninchi o‘rinda bormoqda.
