"Aston Villa" o‘z maydonida APL 9-turi doirasida "Manchester Siti"ni mag‘lub etdi - 1:0.
Yagona gol 19-daqiqada mezbonlar himoyachisi Metti Kesh tomonidan kiritildi.
Uchrashuvning 90-daqiqasida "Manchester Siti" hujumchisi Erling Xolanding goli VAR aralashuvidan so‘ng qayd etilgan ofsayd tufayli bekor qilindi.
Xoland o‘zining sermahsul seriyasini to‘xtatdi - "Aston Villa"ga qarshi o‘yindan oldin norvegiyalik forvard ketma-ket 12 o‘yinda, shu jumladan milliy terma jamoadagi o‘yinlarda gol urgandi.
"Aston Villa" 15 ochko bilan APL jadvalida to‘qqizinchi o‘ringa ko‘tarildi. "Manchester Siti" 16 ochko bilan uchinchi o‘rinda bormoqda.
"Aston Villa" keyingi turda "Liverpul" mehmoni bo‘lsa, "Manchester Siti" o‘z maydonida "Bornmut"ni qabul qiladi.
APL. 9-tur
26 oktyabr, yakshanba, 19:00
Aston Villa - Manchester Siti - 1:0
Gol: Kesh, 19 (1:0)
Aston Villa: Martines, Konsa, Pau Torres, Din (Matsen, 86), Kesh, Onana, Kamara, Rodjers, Buendiya (Sancho, 29, Gessan, 74), Makginn (Barkli, 74), Uotkins (Malen, 86)
Manchester Siti: Donnarumma, Ruben Diash, Stouns (O`Rayli, 61), Gvardiol, Mateus Nunes, Reynders (Sherki, 76), Bernardu Silva (Gonsales, 61), Foden, Savio (Marmush, 84), Bobb (Doku, 61), Xoland
Ogohlantirishlar: Kamara, 81 - Savio, 40. Reynders, 54. Gonsales, 64. Foden, 80
