"Астон Вилла" ўз майдонида АПЛ 9-тури доирасида "Манчестер Сити"ни мағлуб этди - 1:0.
Ягона гол 19-дақиқада мезбонлар ҳимоячиси Мэтти Кэш томонидан киритилди.
Учрашувнинг 90-дақиқасида "Манчестер Сити" ҳужумчиси Эрлинг Холандинг голи VAR аралашувидан сўнг қайд этилган офсайд туфайли бекор қилинди.
Холанд ўзининг сермаҳсул сериясини тўхтатди - "Астон Вилла"га қарши ўйиндан олдин норвегиялик форвард кетма-кет 12 ўйинда, шу жумладан миллий терма жамоадаги ўйинларда гол урганди.
"Астон Вилла" 15 очко билан АПЛ жадвалида тўққизинчи ўринга кўтарилди. "Манчестер Сити" 16 очко билан учинчи ўринда бормоқда.
"Астон Вилла" кейинги турда "Ливерпуль" меҳмони бўлса, "Манчестер Сити" ўз майдонида "Борнмут"ни қабул қилади.
АПЛ. 9-тур
26 октябрь, якшанба, 19:00
Астон Вилла - Манчестер Сити - 1:0
Гол: Кэш, 19 (1:0)
Астон Вилла: Мартинес, Конса, Пау Торрес, Динь (Матсен, 86), Кэш, Онана, Камара, Роджерс, Буэндия (Санчо, 29, Гессан, 74), Макгинн (Баркли, 74), Уоткинс (Мален, 86)
Манчестер Сити: Доннарумма, Рубен Диаш, Стоунс (О`Райли, 61), Гвардиол, Матеус Нунес, Рейндерс (Шерки, 76), Бернарду Силва (Гонсалес, 61), Фоден, Савио (Мармуш, 84), Бобб (Доку, 61), Холанд
Огоҳлантиришлар: Камара, 81 - Савио, 40. Рейндерс, 54. Гонсалес, 64. Фоден, 80
