"Arsenal" hujumchisi Gabriel Jezus tizzasidan olgan jarohatidan tiklangani va maydonga qaytishga tayyorligini aytdi.
"O‘zimni juda yaxshi his qilyapman. Mening tizzam juda yaxshi. Shunday ekan, men tez orada yana jamoaga qo‘shilish va sevimli ishim bilan shug‘ullanish imkoniyatini intiqlik bilan kutmoqdaman. Oradan juda ko‘p vaqt o‘tdi. Endi o‘zimga yanada e’tiborliroq bo‘lishim kerak. Butun mavsum o‘ynay olish uchun aqlli bo‘lish kerak.
Hozir o‘ylayapman: mashg‘ulotlarda o‘zimni nazorat qilishim kerak, chunki men har doim maydonga tushib, 100 foiz harakat qiladigan futbolchiman. Agar buni to‘g‘ri nazorat qilmasangiz, bu muammoga aylanishi mumkin," - deya 28 yoshli braziliyalikning so‘zlarini keltiradi klub matbuot xizmati.
Jezusning xochsimon boylami 2025 yil yanvar oyida uzilgan. Shundan buyon u o‘yinlarda ishtirok etmayapti.
