"Арсенал" ҳужумчиси Габриэль Жезус тиззасидан олган жароҳатидан тиклангани ва майдонга қайтишга тайёрлигини айтди.
"Ўзимни жуда яхши ҳис қиляпман. Менинг тиззам жуда яхши. Шундай экан, мен тез орада яна жамоага қўшилиш ва севимли ишим билан шуғулланиш имкониятини интиқлик билан кутмоқдаман. Орадан жуда кўп вақт ўтди. Энди ўзимга янада эътиборлироқ бўлишим керак. Бутун мавсум ўйнай олиш учун ақлли бўлиш керак.
Ҳозир ўйлаяпман: машғулотларда ўзимни назорат қилишим керак, чунки мен ҳар доим майдонга тушиб, 100 фоиз ҳаракат қиладиган футболчиман. Агар буни тўғри назорат қилмасангиз, бу муаммога айланиши мумкин," - дея 28 ёшли бразилияликнинг сўзларини келтиради клуб матбуот хизмати.
Жезуснинг хочсимон бойлами 2025 йил январь ойида узилган. Шундан буён у ўйинларда иштирок этмаяпти.
