"Inter" darvozaboni Xosep Martines o‘z avtomobilida elektr nogironlar aravachasida ketayotgan 81 yoshli erkakni urib yubordi. Quicomo.it nashrining xabar berishicha, fojia 28 oktyabr kuni ertalab mahalliy vaqt bilan taxminan 9:40 da sodir bo‘lgan.
Manbaga ko‘ra, zarba favqulodda kuchga ega bo‘lgan va qutqaruvchilar zudlik bilan aralashganiga qaramay, keksa erkakni qutqarib qolishning iloji bo‘lmagan. Hodisa joyida o‘lim holati qayd etilgan. Favqulodda vaziyatlar va rejali tekshiruvlar uchun yo‘l vaqtincha yopildi. "Inter" motam belgisi sifatida bosh murabbiy Kristian Kivuning 14:00 ga belgilangan matbuot anjumanini bekor qilishga qaror qildi.
Qayd etilishicha, Martinesning o‘zi voqeadan keyin shok holatida. 27 yoshli futbolchi jarohat olmagan, biroq u sodir bo‘lgan voqeadan qattiq ta’sirlangan.
