"Интер" дарвозабони Хосеп Мартинес ўз автомобилида электр ногиронлар аравачасида кетаётган 81 ёшли эркакни уриб юборди. Quicomo.it нашрининг хабар беришича, фожиа 28 октябрь куни эрталаб маҳаллий вақт билан тахминан 9:40 да содир бўлган.

Манбага кўра, зарба фавқулодда кучга эга бўлган ва қутқарувчилар зудлик билан аралашганига қарамай, кекса эркакни қутқариб қолишнинг иложи бўлмаган. Ҳодиса жойида ўлим ҳолати қайд этилган. Фавқулодда вазиятлар ва режали текширувлар учун йўл вақтинча ёпилди. "Интер" мотам белгиси сифатида бош мураббий Кристиан Кивунинг 14:00 га белгиланган матбуот анжуманини бекор қилишга қарор қилди.

Қайд этилишича, Мартинеснинг ўзи воқеадан кейин шок ҳолатида. 27 ёшли футболчи жароҳат олмаган, бироқ у содир бўлган воқеадан қаттиқ таъсирланган.