"Atletiko Madrid" hujumchisi Xulian Alvares yana bir bor klubni tark etish niyatida emasligini aytdi.
Mish-mishlar 25 yoshli futbolchini "Barselona" bilan bog‘laydi. Argentinalik futbolchi "matraschilar"ning o‘yin uslubidan norozi bo‘lganlikda ham ayblanmoqda.
"Men "Atletiko" bilan g‘alaba qozonishni istayman. Kelganimda, ular menga rivojlanish va o‘zimning eng yaxshi versiyamga aylanish uchun imkoniyat berishlarini darhol his qildim.
Men doimiy ravishda takomillashish va jamoaga yordam berish uchun keldim. Biz ishga e’tibor qaratamiz", dedi Alvares.
