"Bornmut" forvardi Jastin Klyuyvert haydovchilik guvohnomasidan mahrum etildi. The Sun jurnalistlariga ma’lum bo‘lishicha, niderlandiyalik hujumchi tezlikni oshirgani uchun jazolangan. So‘nggi uch oy ichida futbolchi ushbu qoidabuzarlik bo‘yicha ikki marta qo‘lga tushgan.

Angliya Premyer-ligasining joriy mavsumida 26 yoshli hujumchi sakkizta uchrashuvda ishtirok etdi. Jastin bitta golli uzatmani o‘z hisobiga yozib qo‘ydi.

"Bornmut" Angliya chempionatining joriy mavsumining birinchi qismini muvaffaqiyatli o‘tkazmoqda. Premyer-liganing 9 turidan so‘ng jamoa 18 ochko jamg‘arib, turnir jadvalida 2-o‘rinni egallab turibdi. "Olchalar" peshqadam "Arsenal"dan 4 ochko ortda qolmoqda.