"Борнмут" форварди Жастин Клюйверт ҳайдовчилик гувоҳномасидан маҳрум этилди. The Sun журналистларига маълум бўлишича, нидерландиялик ҳужумчи тезликни оширгани учун жазоланган. Сўнгги уч ой ичида футболчи ушбу қоидабузарлик бўйича икки марта қўлга тушган.
Англия Премьер-лигасининг жорий мавсумида 26 ёшли ҳужумчи саккизта учрашувда иштирок этди. Жастин битта голли узатмани ўз ҳисобига ёзиб қўйди.
"Борнмут" Англия чемпионатининг жорий мавсумининг биринчи қисмини муваффақиятли ўтказмоқда. Премьер-лиганинг 9 туридан сўнг жамоа 18 очко жамғариб, турнир жадвалида 2-ўринни эгаллаб турибди. "Олчалар" пешқадам "Арсенал"дан 4 очко ортда қолмоқда.
