Angliya liga kubogining nimchorak final bosqichidan o‘rin olgan bir nechta o‘yinlar kecha oqshom bo‘lib o‘tdi.

«Suonsi Siti» — «Manchester Siti» 1:3
«Manchester Siti» klubi Uelsdagi «Suonsi.kom» stadionida «Suonsi Siti» jamoasi mehmoni bo‘lib, irodali g‘alabaga erishdi. 12-daqiqada mezbonlar futbolchisi Gonsalu Franku hisobni ochdi va «Suonsi»ni oldinga olib chiqdi.

39-daqiqada Jeremi Doku hisobni tenglashtirdi. 77-daqiqada Omar Marmush jamoasini hisobda oldinga olib chiqdi, 90+3-daqiqada esa Rayan Sherki uchinchi golni urdi — 1:3.

O‘yinni asosiy tarkibda boshlagan Abduqodir Husanov 64-daqiqada zaxiraga olindi.

«Arsenal» — «Brayton end Xouv Albion» 2:0
Londondagi «Emireyts»da o‘tgan o‘yinda «Arsenal» ishonchli g‘alabaga erishdi.

57-daqiqada Itan Nvaneri hisobni ochdi, 76-daqiqada esa Bukayo Saka hisobni 2:0 ko‘rinishiga yetkazdi. Mikel Arteta shogirdlari shu tariqa musobaqaning keyingi bosqichiga chiqishdi.

«Liverpul» — «Kristal Pelas» 0:3
Sensasiya «Enfild»da yuz berdi — «Kristal Pelas» «Liverpul»ni yirik hisobda mag‘lub etdi va Liga kubogidan chiqarib yubordi.

Ismaila Sarr 41 va 45-daqiqalarda ikki gol urdi. 79-daqiqada maydonga yangi tushgan Amara Nallo ikki sariq kartochka olib, maydondan chetlatildi. 88-daqiqada Yeremi Pino hisobni yirik ko‘rinishga yetkazdi — 0:3.

«Vulverxempton» — «Chelsi» — 3:4
Ushbu jamoalar o‘rtasidagi o‘yin gollarga boy bo‘ldi. 7 ta gol urilgan o‘yinda londonliklar g‘alaba qozonib, keyingi bosqichga yo‘l olishdi.

Angliya. Liga kubogi. 1/8 final
«Arsenal» — «Brayton» — 2:0 (0:0)
Gollar: 1:0 — I. Nvaneri (57), 2:0 — B. Saka (76).

«Liverpul» — «Kristal Pelas» — 0:3 (0:1)
Gollar: 0:1 — I. Sarr (41), 0:2 — I. Sarr (45), 0:3 — Y. Pino (88).
Chetlatishlar: A. Nallo (79) — yo‘q.

«Suonsi» — «Manchester Siti» — 1:3 (1:1)
Gollar: 1:0 — G. Franku (12), 1:1 — J. Doku (39), 1:2 — O. Marmush (77), 1:3 — R. Sherki (90+3).

«Vulverxempton» — «Chelsi» — 3:4 (0:3)
Gollar: 0:1 — A. Santos (5), 0:2 — T. Jorj (15), 0:3 — Estevao (41), 1:3 — T. Arokodare (48), 2:3 — D. Meller Volfe (73), 2:4 — D. Gittens (89), 3:4 — D. Meller Volfe (90+1).
Chetlatishlar: yo‘q — L. Delap (86, ikkinchi sariq kartochka).