"Yuventus" hujumchisi Kenan Yildiz jamoaning "Udineze"ga qarshi kechgan o‘yindagi g‘alabasi haqida fikr bildirdi.
Italiya A Seriyasi 9-turidan o‘rin olgan uchrashuv 3:1 hisobida yakunlandi. "Udineze" ustidan qozonilgan g‘alaba turinliklarga 8 o‘yindan buyon davom etayotgan g‘alabasiz seriyaga barham berish imkonini berdi.
"Biz juda qiyin davrni boshdan kechirmoqdamiz. Hozir o‘yindan-o‘yinga o‘tishimiz kerak. Bugungi natijadan mamnunmiz. Biroq endi oldinga qarashimiz kerak, chunki hali ko‘p o‘yinlar o‘tkazishimiz kerak", - deya futbolchining so‘zlarini keltiradi jurnalist Nikolo Skira.
O‘tkazilgan 9 tur natijasiga ko‘ra, "Yuventus" Italiya chempionati turnir jadvalida 15 ochko jamg‘arishga muvaffaq bo‘lib, 7-o‘rinda bormoqda.
