"Ювентус" ҳужумчиси Кенан Йилдиз жамоанинг "Удинезе"га қарши кечган ўйиндаги ғалабаси ҳақида фикр билдирди.

Италия А Серияси 9-туридан ўрин олган учрашув 3:1 ҳисобида якунланди. "Удинезе" устидан қозонилган ғалаба туринликларга 8 ўйиндан буён давом этаётган ғалабасиз серияга барҳам бериш имконини берди.

"Биз жуда қийин даврни бошдан кечирмоқдамиз. Ҳозир ўйиндан-ўйинга ўтишимиз керак. Бугунги натижадан мамнунмиз. Бироқ энди олдинга қарашимиз керак, чунки ҳали кўп ўйинлар ўтказишимиз керак", - дея футболчининг сўзларини келтиради журналист Николо Скира.

Ўтказилган 9 тур натижасига кўра, "Ювентус" Италия чемпионати турнир жадвалида 15 очко жамғаришга муваффақ бўлиб, 7-ўринда бормоқда.