"River Pleyt" klubi ijrochi direktori Stefano di Karlo 18 yoshli iqtidor sohibi Franko Mastantuononing Madridning "Real" klubiga sotilishi haqida fikr bildirdi.
"Biz Mastantuononi sotmoqchi emasdik. "Real" Madrid keldi va sotib olish bandini faollashtirdi. Unga tayanish imkoniyatiga ega bo‘lish ajoyib bo‘lardi, ammo futbol shunday tuzilgan," - deya funksionerning so‘zlarini keltiradi Madrid Zone.
"Real" Mastantuononi yozgi transferlar davrida xarid qilib, vinger uchun 45 million yevro sarfladi. "Qaymoqranglilar" libosida u barcha turnirlarda 11 ta o‘yin o‘tkazib, bitta gol urdi va bitta golli uzatmani o‘z hisobiga yozdirib qo‘ydi.
